డయాబెటిస్ వల్ల కంటిచూపు కోల్పోయే ప్రమాదం ఉందని ఆందోళన చెందుతున్నారా?...

డయాబెటిస్ వల్ల కంటిచూపు కోల్పోయే ప్రమాదం ఉందని ఆందోళన చెందుతున్నారా?...

అయితే,ఇవి తినండి!

టైప్ 2 డయాబెటిస్ వల్ల కంటిచూపు కోల్పోయే ప్రమాదం ఉందని

ఆందోళన చెందుతున్నారా? అయితే ఒమేగా ఫ్యాటీ 3 ఆమ్లాలున్న ఆహార పదార్థాలు

తీసుకుంటే అలాంటి ఆందోళన నుంచి తప్పించుకోవచ్చని పరిశోధకులు

చెబుతున్నారు. డయాబెటిక్ రెటినోపతి సమస్యతో బాధపడేవారికి కంటి చూపు

దెబ్బతినే ప్రమాదం ఉంటుందని, అలాంటి వారు వారంలో రెండుసార్లు ఒమేగా ఫ్యాటీ

ఆమ్లాలున్న ఆహారపదార్థాలు తీసుకుంటే ఆ ముప్పు నుంచి బయటపడవచ్చని వారు

తెలిపారు.

స్పెయిన్ లో 2003 నుంచి 2009 వరకు 55-80 ఏళ్ల మధ్య వయస్కులైన

టైప్-2 డయాబెటిస్ రోగులపై జరిపిన పరిశోధనల్లో ఈ విషయం వెలుగు చూసినట్టు

పరిశోధకులు తెలిపారు. మానవుని కంట్లోని రెటీనాలో ఒమెగా-3 పాలీ అన్ శాచురేటెడ్

ఫ్యాటీ యాసిడ్లు అధికంగా ఉంటాయని, మధుమేహంవల్ల రెటీనా దెబ్బతినకుండా ఈ

ఆమ్లాలు కాపాడతాయని పరిశోధకులు చెబుతున్నారు.

ఈ పరిశోధనల వివరాలను జామా

ఆప్తమాలజీ ఆన్ లైన్ జర్నల్ లో ప్రచురించారు.

ఒమేగా-3 ఆమ్లాలు చేపల్లో అధికంగా

దొరుకుతాయన్న సంగతి తెలిసిందే